१७ असोज, काठमाण्डौ। पछिल्लो समय नेपाली इसाई साङ्गितिक क्षेत्रमा एकपछी अर्को गर्दै निकै उत्कृष्ट गीत संगीत बजारमा आईरहेका छन् । यसै सन्दर्भमा बिनोद याक्खाको उत्कृष्ट निर्देशन तथा छायांकन र चर्चित गायिका लिडिया राई को स्वरमा (बादलपारी देश) नामक म्युजिक भिडियो आज शनिबार विहान ७ : ३० बजे रिलिज भएको छ ।
गितमा चर्चित सर्जक किरण राई को शब्द र लय छ भने, संगितकार निरोज लामा को संगित रहेको छ । इसाई आस्थाको वास्तविक कथा बस्तुलाई समेटेर सबैलाई सु-शन्देस दिने उद्देश्यले गितको निमार्ण गरिएको निर्माण पक्षले जानकारी दिएको छ ।
इसाईहरुको मृत्यु पछि पनि जाने ठाँउ छ, जहाँ शान्ति आनन्द छ। त्यहाँ एक दिन हामी सबैजना जानू पर्छ भन्ने कथा बस्तुलाई गितको शब्द र भिडियो मार्फत जस्ताको त्यस्तै देखाउन खोजिएकाले पनि गित निकै उत्कृष्ट र सबै नेपालीले हेर्न लाएकको बनेको बताईएको छ । पछिल्लो समय निकै राम्रो म्युजिक भिडियो निर्देशन तथा छायांकन गरिरहेका निर्देशक याख्खाले सो गितको भिडियोमा आफ्नो निकै राम्रो कलाकौशल देखाएका छन् । गितको म्युजिक भिडियो छायांकनको लागि बिरेन तितुंगले सहायता गर्नुभएको थियो।
उक्त म्युजिक भिडियोमा निकै चर्चित मोडल राजु श्रेष्ठ, वेदना राई , उइनर राई लगायत अन्य थुप्रै कलाकारहरुलाई पनि देख्न सकिन्छ भने नृत्य निर्देशन मन्दिप राना मगरले गर्नुभएको छ । उक्त गित किरण राई युटुव च्यानल मार्फत सार्वजानिक भएको छ।
भिडियो हेर्नुहोस…